KONPARTSAREN EGUNA BUELTAN DA

Irailak 10, larunbatarekin Konpartsaren eguna ospatuko du taldeak auzoan. Bigarren urtea izanen da aurtengoa eta berriz ere ongi pasatzeko eta auzoko eragile ezberdinekin disfrutatzeko eguna izanen da.

Eguna goizeko 9:30etan hasiko da Txantreako Gaitariek egingo dituzten dianekin. 11:00etan Ezkaba menditik, psikiatrikoaren ondoko zubitik, erraldoiak jaitsiko dira eta auzoko eragileekin kalejira eginen dute. 13:15etan Auzotegik ongietorria eginen die erraldoi txikiei. 13:45etan ekitaldi berezia eginen dute Peñan. 15:00etan bazkari herrikoia antolatu du konpartsak leku berberean eta eguna bukatzeko 18:00etatik aurrera dantzaldia egonen da Felix Enparantzan.

Egun potoloa da taldearentzat, ongi pasatzekoa eta auzokideekin eta konpartsaren lagunekin ospatzekoa.